Púki bættist við hundahópinn um páskana 2000. 6 mánaða kríli beint úr Hrísey. Þvílíkur prakkari sem hann var, og allra yndi í fjölskyldunni. Byrjun hans á sýningum HRFI var bara skemmtileg.

Það var 8 október 2000, á eins árs afmælisdegi hans. Jill og Jessica (Presstop´s) ræktendur hans, komu til landsins til þess að vera viðstaddar. Á meðan hann gekk hringinn sungu þær afmælissönginn. ;o) og þeim til heiðurs fékk hann sitt fyrsta Ísl. meistarastig. Þessi sýning verður mér alltaf fersk í minni. Tveim sýningum seinna var hann orðinn Ísl. meistari. Það sem hann hafði fram yfir aðra sýningahunda sem ég hef átt, var þessi "elegance" mikið vildi ég að ég fengi hann í erfðir hjá mér. Það var yndi að sýna hann. Þau voru ófá skiptin sem hann fór í BHS m.a.  lenti í tvígang í 3 sæti þar.(2003&2004)

Oft var hann orðinn þreyttur seinni part dags, sýningarnar töfðust oft  í þá daga. Man ég best eftir því, oftar en einu sinni, að við biðum klukkutímunum saman eftir úrslitunum. Þegar komið var að okkur, neitaði hann að hreyfa sig, togaðist á í ólinni,en...um leið og hann labbaði inn á gólfið fór hann í gang sem aldrei áður. Hann var ótrúlegur, langaði ekki meir, en gerði alltaf það sem af honum var ætlast.  Ég lánaði hann til ræktanda síns í Svíþjóð árið 2005 í undaneldi, en því miður kom hann ekki aftur heim. Dag einn fannst honum einkar sniðugt að elta kött út í skóg og kom aldrei aftur. Hans verður sárt saknað.

SUCH Lil`s I Got a Kick Out of you x Mendes Miss O´Mally